当前位置:主页 > 滚动视界 >《06韩国秋叶行》02 >
《06韩国秋叶行》02
上传时间:2020-05-27点击:583次

《06韩国秋叶行》02

落坐车,我地梗係要返酒店先啦!



不过一落车都要周围问人点去酒店,d韩国人一直指我地向前行,穿过好多巷咁样,终于出到去大街!
虽然我有酒店地图係手,亦知係向果个方向,但地图係冇显示我而家行黎果条路啰!
地图只係叫我地由大街行,我而家行紧d小路啰!so唔知会去左边啰!(其实未去之前係d讨论区已经见到个人都係行小路,话快好多!)
好彩最后行到一半之后,我就见到Co-op Residence,咁就好啦~~因为Western Co-op係佢隔隔离咋~~

最后终于搵到啦!睇下下面呢几张图啦~~就係酒店的内貌!
《06韩国秋叶行》02 《06韩国秋叶行》02 《06韩国秋叶行》02

係大堂里面仲有两部电脑,(佢好似日本的Toyoko Inn咁啰!非常唔错!)可以畀住容免费上网呀!而且我已经係靠墙果部电脑里面set左中文,可以用速成打中文,而靠路口果部我冇set到,好似打唔到中文!

好啦~~之后讲下房间先!
呢度就房间既玄关位!
《06韩国秋叶行》02

呢度係厨房区!有张可伸缩的檯,又有微波炉、抽油烟机、碗碟筷子、杯、水煲、炉头、平底获、洗洁精同易洁布,亦有好多厨柜比你摆野!
ps.檯面既杯面、饼乾係自己带去ga~~
《06韩国秋叶行》02

呢度係书房区,都係有好多柜比你摆野呀!
《06韩国秋叶行》02

呢度係由睡房区影出去,佢有拖鞋比ga,而我就惯左唔着拖鞋,因为韩国兴地板装暖管,地板好暖呀!
係地下既行李箱係我,虽然带左厚衫&暖包,但完全冇用过,都係着返d薄衫就已经OK啦!
(因为韩国天气係有风冻,冇风唔冻,不论係零下定係几度,而且度度都有暖气,如果你着住好多衫,你一入室内就会焗桑拿咁,抖唔到气呀!)
《06韩国秋叶行》02

跟住呢度係睡房区既电视柜!
《06韩国秋叶行》02

呢度就係睡床!最唔好就係双人房张床劲close,只係得一只脚咁粗既空位,同一张双人床冇乜分别啰!
《06韩国秋叶行》02

好啦!现在介绍厠所啦!麻雀需小,五脏俱全!又有一对浴室专用拖鞋!佢真係好鬼死似日式咁ga~~
《06韩国秋叶行》02

呢间有大、中毛巾各两条、备用厠纸、梳、风筒、肥皂等!
(唔好以为我点解讲得咁仔细,事关韩国既酒店係唔设有风筒、毛巾、拖鞋同沐浴用品ga!)
但呢间就有啦!不过要自己带沖凉液、洗头水、护髮素!
《06韩国秋叶行》02

浴室位置~~
《06韩国秋叶行》02

沐浴水龙头呀~~以及一旁既架层!
《06韩国秋叶行》02

最后要同大家介绍,玩左我地一日既 ” 沖凉热水 兼 地板暖气 再兼时间及显示器”,完全韩文,初时完全唔明点用!结果研究左好耐就找到一张英文版图,但睇住张图都係唔係好识用,就问左酒店职员。

原来右边米粒制要开哂佢(着绿灯叫做开左,而唔係英文图示的Very hot)
右边第四粒制就係沖凉时先要开,係煲热水用的,否则就冇热水沖凉ga啦!(亦唔係英文所说的Quick Boiling)
右边楼下着红色灯係代表水温(英文版终于arm返一次)
到左边头三盏灯,係冇着过ga!(so唔知英文arm唔arm)
之后大扭制係控制地板既温度,我通常开55-60度,咁成间房先会暖啰!(英文就冇讲係乜野既温度)
最后左下角的timer冇用过(都唔知佢係控制煲水定地板,又唔知係分2,4,6…分钟定係2,4,6…个钟)
《06韩国秋叶行》02 《06韩国秋叶行》02

总结:
张英文版有都等于冇,呢解释有5成错,3成唔清楚!即係等于废物!(真係我地唔问过都唔识用)
酒店就真係非常唔错!又有书房同厨房!
建议最好跟package book,否则一晚要成4百几5百蚊,如book一个月就平d啰!
Western Co-op 比 斋Co-op 大一倍,设备齐好多,只不过係隔隔离,所以建议住Western~

其实好多friends睇完d相之后都话佢唔似酒店,似宿舍多d,但係真係酒店,有d类型酒店式住宅,而且仲有gym、洗衣乾衣室 ga,不过唔知几楼!係4星酒店来的!
不过我就好满意啰!综合评价比佢93分啦~~

之后介绍下酒店周边风景及便利店!
係韩国最多就係GS25便利店,係属于LG集团,大家要知,而LG呢个品牌,係韩国已经改哂为GS啦!所以GS25就係以前的LG25便利店!而LG油站等都改哂名!韩国冇LG ga啦!LG係中国牌黎ga啦!
《06韩国秋叶行》02

呢度係对面果个公园啰!
《06韩国秋叶行》02

呢d係韩国既灯柱街招广告!
《06韩国秋叶行》02

呢个係附近d大型批发及零售商场既多栋大楼~~
《06韩国秋叶行》02

呢个係从酒店窗外影的东大门夜景!右边的就是东大门多间大型批发零售商场!
由早上10:30开门直至凌晨5:00 ga!所以行街可以留返夜晚,白天可以去下乐园,逛逛宫殿及文化遗产,抑或去去博物馆都可以!(大多博物馆、宫殿等,秋冬天都係5点、6点左右close ga!)
《06韩国秋叶行》02

(待续:明洞街道及晚餐篇)
[如想睇原图及详细资料 / 更多相片,请到相簿 06韩国秋叶行]
编/摄:阿乃

上一篇: 下一篇:

猜你喜欢